Ich drieëf
met kneîp in hieël mien liêf
naat tot aanne moônd
zoeë mer in ut roônt

Haaj behuuërlik dunne schieët
ut leek bekans hoeëg tiêd
woor aan ut oeëverwieëge
um miene dêrm dao te lieëge

Unne groeëte plak
in dae naate bak
Speedo met broen bille
woeëj ônger water gille

Mer dânke Slivvenhieër
det léste hoof neet mieër
want tot mien groeët gelök
en stieëvig inne rök

huuër ich di-j stum hieël strang
gezieëkerdj met twieë hang:
"𝘙𝘶𝘯𝘥𝘫𝘦 ê𝘳𝘮, 𝘳𝘶𝘯𝘥𝘫𝘦 𝘣𝘦î𝘯,
𝘥𝘰𝘰𝘵𝘫 𝘥𝘪𝘵 𝘴𝘢𝘢𝘮𝘦 𝘭𝘢𝘯𝘨"

Doeër juffraw Josefien
kleîn vrawke bovendien
blieve vîngerkes en köpke
int water boeëve döpke

hoof ich gelökkig NEET
met voél zwumbóks aan mien reet
en unne dikke broene rând
...
te spértele nao d'n oeëverkânt!